ஒரு சிலை,ஒரு இலட்சம் கொலை!

ஆந்திராவில் காங்கிரஸ் எம்எல்ஏ, எம்பிகள் ஆந்திராவை இரண்டாக்கு, தனித் தெலுங்கான வழங்காவிட்டால் தற்கொலை செய்து கொள்வோம் என்று தன் கட்சி தலைமையின் தலைமயிரை பிடித்து ஆட்டி மிரட்டிக் கொண்டிருக்கிறது, ஆந்திரா காங்கிரஸ்.

தமிழ் நாட்டில்...?

தனித் தமிழ்நாடு வேண்டும் என்று கேட்கவில்லை. அப்படி கேட்டால் தமிழ்க்கிறுக்கன் ஒரு தமிழ்த்தீவிரவாதி காற்றுப் புகாத சிறையிலே பூட்டு என்பார், கலைஞர்.

என் வேண்டுகோள் எல்லாம் ஒன்றே, ஒன்று தான்!

ஒரு இலட்சம் ஈழத் தமிழர்கள் இறந்த போது, தடுத்து நிறுத்தாவிட்டால் கூண்டோடு பதவியை ராஜினமா செய்து விடுவேன், என்று உண்மையான அக்கறையோடு மிரட்டி பதவி விலகி, எப்படியாவது போரை தடுத்து இருந்தால்,தமிழினமே வரிசையில் நின்று வாழ்த்தியிருக்கும்.

திருக்குறளில் சொன்னதை கடலில் கரைத்து விட்டு, திருவள்ளுவருக்கு மட்டும் உயரமாக சிலை வைத்து, அதன் அடியிலேயே உங்கள் பெயரை எழுதி வைத்தால், நீங்கள் இறந்த பிறகும், உங்கள் பெருமைகளை பற்றி சிலைகளும் நின்று பேசும்...

என்று தப்புக் கணக்கு போடுறீங்க.

காங்கிரஸ் கட்சியில் இருந்து கொண்டு காங்கிரஸ் கட்சியை ஆட்டிப் படைக்கும் காங்கிரஸ்காரன் எங்கே...

காங்கிரஸ் கூட்டணியில் இருந்து கொண்டு எத்தனை இலட்சம் உயிர் போனாலும், ஆட்சி போகாமல் பாதுகாப்பேன் என்ற உங்கள் சின்னப் புத்தி எங்கே?

தேசிய பாதுகாப்பு சட்டத்தில், ஈழத்து தமிழ்ப் போராளிகளை சிறையில் அடைத்தது தப்பு என்ற உயர்நீதிமன்றமே தீர்ப்பு வழங்கி, விடுதலை செய்தது.
ஆனால் நீங்கள் என்ன செய்தீர்கள்?

திரும்பவும் அதே சூப்பர் பாதுகாப்பு சட்டத்தில் சீமானை சிறையில் அடைத்தீர்கள்.

திரும்பவும் தேசிய பாதுகாப்பு சட்டத்தில் கைது செய்ததது தப்பு என்று தீர்ப்பு வழங்கி விடுதலை செய்ததது, உயர்நீதி மன்றம்.

ஈழத்தில் ஒரு இலட்சம் பேரை கொல்லும் போரை சோனியா நடத்தியபோது இங்கே ஒரே ஒரு ராஜீவ் காந்தி சிலை கூட மண்ணில் சாயாமல் பார்த்துக் கொண்டீர்கள்.

தமிழைக்காக்க தண்டவாளத்தில் தலை வைத்தது எல்லாம்...

ஆட்சிக்கு வந்து பொறுக்கித் திங்க நீங்க போட்ட வீதி நாடகமா?

_தமிழ்க்கிறுக்கன்

"வேடிக்கையாகவே கேலிகள் பேசி கேள்வியும் ஞானமும் உண்டாக செய்வோம்!"